Gunnar Þór Gunnarsson, leikmaður KR og Þórarinn Ingi Valdimarsson, leikmaður FH voru ekki í leikmannahóp liðanna þegar þau mættust í gærkvöldi í stórleik Pepsi-deildarinnar. FH-ingar höfðu betur 3-1.
Báðir eru þeir að glíma við smávægileg meiðsli.
Báðir eru þeir að glíma við smávægileg meiðsli.
„Þetta var kannski meira fyrirbyggjandi heldur en hitt að hann spilaði ekki í gær. Það er langt tímabil eftir og við vildum ekki fórna honum og auka á meiðslin hans," sagði Bjarni Guðjónsson þjálfari KR eftir leikinn aðspurður út í Gunnar Þór.
Grétar Sigfinnur lék í vinstri bakverði KR í gær, í stað Gunnars.
„Hann hefur ekki verið að leysa þetta mikið. Ég var mjög ánægður með hann. Hægri kantmaðurinn hjá FH fór af velli. Grétar lokaði á það sem þurfti að loka og það voru engin vandræði í kringum hann."
Þórarinn Ingi hefur síðustu vikur verið að glíma við meiðsli í kviðnum.
„Ég er búinn að vera tæpur í kviðnum og hef ekki náð að beita mér að fullum krafti, ég er hinsvegar að verða betri og betri með hverjum deginum,“ sagði Þórarinn við 433.is í dag.
FH mætir Keflavík á sunnudaginn en KR mætir Breiðablik á mánudaginn.
Athugasemdir