Klopp hrósaði liði sínu í hástert og er orðinn spenntur fyrir úrslitaleiknum sem fram fer í Basel í Sviss þann 18.maí næstkomandi.

„Stórkostlegt kvöld. Þetta var frábær leikur hjá mínu liði. Þvílík frammistaða. Það voru miklar tilfinningar í spilunum fyrsta hálftímann og það var gaman að fylgjast með því."

„Við misstum okkur aðeins undir lok fyrri hálfleiks og í hálfleik ræddum við um að halda haus og það gekk svo sannarlega upp."

„Þegar ég kom hingað voru allir að tala um að liðið væri ekki nógu gott að það hefðu verið gerð slæm kaup en ég kom hingað af því að mér leist vel á leikmannahópinn og nú erum við komnir til Basel. Basel er falleg borg, nærri mínum heimabæ," sagði Klopp.