Tottenham er í viðræðum við enska knattspyrnusambandið um að fá afnot á Wembley á þarnæsta tímabili á meðan nýr völlur er í byggingu hjá félaginu.
Nú er verið að byggja nýjann 61.000 manna völl á móti White Hart Lane sem tekinn verður í notkun tímabilið 2018-19.
Þeir yfirgefa núverandi völl árið 2017 og formaður enska knattspyrnusambandins segir að Wembley gæti orðið heimavöllur Tottenham tímabundið.
Hann segir einnnig að liðið gæti spilað Meistaradeildarleiki strax á næsta tímabili á vellinum þar sem White Hart Lane tekur ekki eins marga áhorfendur og venjulega vegna vinnu við völlinn.
Athugasemdir