Guðmundur Baldvin Nökkvason leikmaður Stjörnunnar átti stórleik í dag þegar liðið hans vann 4-1 gegn ÍA. Hann skoraði 1 mark og lagði upp 2 önnur.
Lestu um leikinn: Stjarnan 4 - 1 ÍA
„Frábær sigur, gott að fá 3 stig í pokan, og mjög góð frammistaða myndi ég segja."
Stjarnan hafði aðeins skorað 3 mörk í fyrstu fjóru leikjum tímabilsins en þeir meira en tvöfölduðu það í dag. Liðið hefur fengið töluverða gagnrýni en þessi leikur gæti verið allavega byrjunin á að svara þeim röddum.
„Þetta er bara sokkur í munnin á þeim eða eitthvað, nei ég er að grínast." Segir Guðmundur og hlær. „Við vorum bara að gera okkar og héldum áfram. Við erum búnir að vera reyna að gera það alla leikina, en það bara gekk vel í dag. Við hlustum ekki á svona og höldum okkar striki."
Guðmundur er á láni frá sænska úrvalsdeildarliðinu Mjällby. Hann hefur byrjað tímabilið mjög vel en segist vera einbeittur að Stjörnunni eins og er og hugsar ekki mikið um hvað gerist næst.
„Plönin mín er bara að ná góðum frammistöðum hér, spila hér og leggja mitt að mörkum fyrir liðið fyrst og fremst. Svo kemur annað bara í ljós hver framtíðin mín verður. En bara að ná góðri frammistöðu hér og að liðið standi sig vel það er númer eitt, tvö og þrú."
Viðtalið má sjá í heild sinni í spilaranum hér fyrir ofan.