„Mér fannst við hafa tökin í þessum leik svona lungan af honum en gekk illa að skapa okkur færi sérstaklega í fyrri hálfleik, svo lendum við undir en við komum til baka og unnum leikinn, sagði Ólafur Jóhannesson þjálfari Vals eftir leik þeirra gegn Víkingum í 8 liða úrslitum Borgunarbikar karla sem þeir unnu 1-2.
Jöfnunarmark Vals var umdeilt og vildi Ólafur Þórðarson þjálfari Víkinga meina að brotið hefði verið á Thomasi Nielsen markverði Víkings en nafni hans var ekki sammála.
„Mér sýndist hann bara slá hann inn. Eru menn ekki alltaf óánægðir þegar þeir fá á sig mörk? Sérstaklega Óli, sagði Óli Jó léttur.
„Við erum búnir að spila ágætlega og ég er bara tiltölulega sáttur með það."
Óli sagði fyrir mót að hann væri ekki með lið til að berjast um Evrópusæti, hann gæti þurft að éta þau ofan í sig.
„Ég skal svara þér 3 eða 4 október, þá er síðasti leikur."
Athugasemdir