Óli var reiður í leikslok
Ólafur Þórðarsson var fokillur í lok leiks Víkings og Vals í 8-liða úrslitum Borgunarbikar karla, Óli var gífurlega ósáttur með dómgæsluna í leiknum og strunsaði hann til Thomas Nielsen eftir leik.
„Ég vildi bara fá að vita hvort það hefði ekki verið rétt að það hefði ekki verið brotið á honum, púra brot þarna í fyrsta markinu sem þeir skora," sagði Ólafur í samtali við Fótbolta.net
„Ég vildi bara fá að vita hvort það hefði ekki verið rétt að það hefði ekki verið brotið á honum, púra brot þarna í fyrsta markinu sem þeir skora," sagði Ólafur í samtali við Fótbolta.net
„Hann er að reyna að komast í boltann og önnur höndin er föst hérna því Valsmennirnir hanga á honum. Það er erfitt að spila á móti svona mörgum leikmönnum og að vera með dómarann svona meira í hina áttina, það hallaði verulega á okkur í dómgæslunni."
Víkingar byrjuðu leikinn á því að verjast fyrir aftan miðju og beita skyndisóknum.
„Maður verst þegar maður hefur ekki boltann og sækir meðan maður hefur hann, við komumst yfir 1-0 það er hárrétt hjá þér. Ég er ekkert vondur út í þig samt, sagði Óli léttur við fréttaritara Fótbolta.net
„Eftir að þeir jafna þá reynum við að sækja annað mark, það er ekki spilað til eilífðar í bikarnum.
Athugasemdir
