„Góður leikur fannst mér heilt yfir ég held að þetta hafi verið svona nokkuð sanngjarnt." sagði Óskar Örn aðspurður að því hvort að úrslitin hafi verið sanngjörn.

„Lið geta grísast á eitthvað í bikarnum en ég held að þetta sé bara merki um að við séum búnir að vera með gott lið undanfarin ár. Við höfum yfirleitt farið erfiða leið í bikarnum og aftur í ár og það er bara fínt."

Aðspurður út í álagið á leikmönnum sagði Óskar þetta:„Við erum bara að hvíla okkur vel fyrir leiki og borða vel og allt það."

Óskar var ánægður með markið sem að hann skoraði í Írlandi.„Það var óþarfa mark sem að við fengum á okkur (í Írlandi) mjög gott að ná þessu útivallamarki. Bara gott veganesti inn í heimaleikinn."

„Við erum klárlega betra fótboltalið en Cork City. En það er ekkert búið í þessu, það er bara hálfleikur. Við ættum að fara áfram." sagði Óskar.

Óskar þakkaði að lokum miðjunni, stuðningsmannasveit KR fyrir hjálpina og sagði:„Það smitar inn í liðið og allt í kringum þetta og skiptir bara hellings máli og við finnum það."

Smelltu hér til að lesa nánar um leikinn