Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 05. júlí 2015 11:45
Arnar Geir Halldórsson
Heimild: Real Sociedad 
Rulli verður áfram hjá Real Sociedad (Staðfest)
Rulli í leik gegn Barcelona á síðustu leiktíð
Rulli í leik gegn Barcelona á síðustu leiktíð
Mynd: Getty Images
Real Sociedad hefur náð samkomulagi við Deportivo Maldonado um að framlengja lánssamning við Geronimo Rulli um eitt ár.

Rulli varði mark Sociedad á síðustu leiktíð og vakti athygli fyrir góða frammistöðu. Í kjölfarið hefur Valencia reynt að ná samkomulagi við Deportivo Maldonado en nú hefur það verið staðfest að hann verður áfram í herbúðum Sociedad.

Á heimasíðu Sociedad er sagt frá því að hann muni ferðast með liðinu til Austurríkis á morgun þar sem liðið mun verða við æfingar næstu daga.

Rulli er 23 ára Argentínumaður en hann er í eigu úrúgvæska B-deildarliðsins Deportivo Maldonado.

Eins og flestir vita leikur Alfreð Finnbogason með Sociedad en framtíð hans er í óvissu þessa dagana þar sem hann hefur verið orðaður við önnur lið.




Athugasemdir
banner
banner