Njarðvík og KV gerðu 3-3 jafntefli í fyrsta leik dagsins í 2. deildinni. Leikurinn var gífurlega fjörugur þar sem yfir 40 skot litu dagsins ljós.

Staðan var jöfn í hálfleik og skiptust liðin á að komast yfir áður en Aron Freyr Róbertsson gerði síðasta mark leiksins undir lokin og tryggði Njarðvíkingum gífurlega dýrmætt stig í fallbaráttunni.

KV er í fjórða sæti deildarinnar en Njarðvík er í harðri fallbaráttu og er tveimur stigum frá Ægi, sem er í fallsæti og á leik til góða, eftir jafnteflið.