Eyjólfur Sverrisson er vel gíraður.
Eyjólfur Sverrisson, U21 landsliðsþjálfari Íslands, er spenntur fyrir leiknum gegn Frakklandi í undankeppni EM 2017 sem fram fer á Kópavogsvelli klukkan 14:00 í dag.
Fótbolti.net ræddi við Eyjólf á æfingu landsliðsins í gær, en lið Frakklands er fullt af stjörnum sem spila í stærstu deildum Evrópu.
Fótbolti.net ræddi við Eyjólf á æfingu landsliðsins í gær, en lið Frakklands er fullt af stjörnum sem spila í stærstu deildum Evrópu.
„Við erum bara virkilega vel gíraðir. Það er stemning í hópnum og mikil stemning í þjóðfélaginu í rauninni, það er mikil tilhlökkun," segir Eyjólfur við Fótbolta.net.
Íslenska A-landsliðið vann frábæran 1-0 útisigur gegn Hollandi í gærkvöldi og Eyjólfur segir að það hveti yngri leikmennina til dáða.
„Þá sjá menn líka hvað þetta er nálægt og þessi möguleiki er alltaf til staðar, og þeir vita það og við höfum notað það lengi vel á þessa stráka að stór hluti af þessu A-liði sem vann Þjóðverja á sínum tíma, stór hluti af því liði sem við spiluðum á móti eru heimsmeistarar í dag. Það er gott að þeir viti að það er stutt í alvöru fótboltamenn," bætti Eyjólfur við.
„Þeir eru með mikið af leikmönnum sem eru í efstu deild í Englandi og Hollandi og Frakklandi, en við stefnum á sigur og við erum með leikjaplan."
Athugasemdir
