Ólafur Ragnar borðaði með íslenska liðinu árið 2013.
Heimir Hallgrímsson, annar af landsliðsþjálfurum Íslands, segir að KSÍ hafi lært mikið síðan í tapinu gegn Króatíu í umspili um sæti á HM fyrir tæpum tveimur árum.
Ísland getur tryggt sér sæti á stórmóti í fyrsta skipti með sigri eða jafntefli gegn Kasakstan í undankeppni EM annað kvöld.
Ísland getur tryggt sér sæti á stórmóti í fyrsta skipti með sigri eða jafntefli gegn Kasakstan í undankeppni EM annað kvöld.
„Það er búið að læra af leiknum gegn Króatíu þar sem þjóðin fór á smá gleði fyllerí. Við urðum bestu vinir allra. Það voru skrípalæti í kringum allt sem við vorum að gera og allir vildu vera með," sagði Heimir á fréttamannafundi í dag.
„Þó við viljum hleypa öllum að okkur þá verður einhversstaðar að draga línuna og láta leikmennina fókusa í friði. Það er gott að setja ekki annað fíaskó af stað. Við höfum þetta á faglegum nótum og einbeitum okkur að þessu verkefni."
Ólafur Ragnar Grímsson, forseti Íslands, borðaði meðal annars hádegismat með landsliðsmönnum á leikdegi í Króatíu. Heimir var spurður að því hvort að forsetinn fái að mæta í mat á morgun með liðinu?
„Ég veit ekki hvort að við getum stoppað hann en við getum líka tekið hann í mat seinna," svaraði Heimir.
Athugasemdir
