Það er af nógu að taka í íslenska boltanum í dag þar sem fjöldinn allur af leikjum fer fram í neðri deildum.

KA getur tekið stórt skref í átt að Pepsi deildinni þegar liðið sækir nýkrýnda deildarmeistara heim til Ólafsvíkur. Á sama tíma mætast Selfoss og Grótta í rosalegum botnslag.

Í 2.deild er toppslagur af bestu gerð á Fáskrúðsfirði þar sem ÍR-ingar verða í heimsókn.

Það er einnig hörð barátta um annað sætið í 3.deild en Reynir Sandgerði fær Víðismenn í heimsókn í nágrannaslag á meðan Völsungur tekur á móti KFS.

Úrslitakeppni 4.deildar heldur áfram líkt og úrslitakeppni 1.deildar kvenna.

Þá verður U-21 árs landsliðið í eldlínunni klukkan 14. Þeir fá Frakkland í heimsókn á Kópavogsvöll og er kjörið tækifæri fyrir landsmenn að mæta og sjá stjörnur framtíðarinnar með berum augum.

Allir á völlinn!