Hollenska miðjumanninum Kevin Strootman hefur gengið afar illa að fá sig góðan af hnémeiðslum sem hann varð fyrir í marsmánuði árið 2014.
Hann gekkst í gær undir þriðju aðgerð sína vegna meiðslanna. Ef allt gengur að óskum getur hann byrjað að hlaupa eftir fimm vikur og bindur hann vonir við að snúa aftur í lið Roma um áramótin.
Strootman æfði með Roma á undirbúningstímabilinu og stefndi á að leika með liðinu í byrjun tímabils þegar bakslag kom í meiðsli hans.
Þessi 25 ára miðjumaður var einn eftirsóttasti leikmaður heims áður en meiðslahrinan hófst en hann kom við sögu í fjórum leikjum með Roma á síðasta tímabili
Athugasemdir