Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 05. september 2015 13:30
Ívan Guðjón Baldursson
Heimild: Realmadrid.com 
Real Madrid leggur sitt af mörkum til að hjálpa flóttamönnum
Florentino Perez vill leggja flóttamönnum lið.
Florentino Perez vill leggja flóttamönnum lið.
Mynd: Getty Images
Real Madrid var að gefa frá sér yfirlýsingu þess efnis að félagið ætli að gefa eina milljón evra til aðstoðar flóttamanna sem koma til Spánar. Ein milljón evra eru um 144 milljónir íslenskra króna.

Gífurleg flóttamannabylgja er að ríða yfir Evrópu um þessar mundir og talið er að hún sé hvergi nærri á enda vegna hræðilegs stríðsástands í Mið-Austurlöndunum.

Hryðjuverkamennirnir í ISIS halda áfram að valda usla ásamt öðrum hryðjuverkasamtökum og geysir stríð í mörgum Arabalöndum þar sem íbúar neyðast til að flýja heimili sín og allt sem þau þekkja í von um að lifa þessar hörmungar af.

„Við styrkjum alltaf góðgerðarsamtök og hefur félagið ákveðið að aðstoða stríðshrjáða karlmenn, kvenmenn og börn sem hafa verið neydd til að flýja heimili sín vegna stríðs og dauða," stendur í yfirlýsingu frá félaginu.

„Forseti Real Madrid, Florentino Perez, talaði við Mariano Rajoy forsætisráðherra Spánar í símann í gær. Þeir töluðu um framlag félagsins til flóttamannavandamálsins og mun knattspyrnufélagið leggja enn meira af mörkum til að hjálpa við að taka á móti flóttamönnum.

„Félagið er að íhuga nokkra möguleika um hvernig hægt sé að hjálpa yngstu flóttamönnunum að aðlagast og mun félagið lána byggingar í sinni eigu endurgjaldslaust svo hægt sé að koma fólki fyrir í höfuðborginni."

Athugasemdir
banner
banner
banner
banner