„Það er ekki alveg ljóst hvað hann gerir. Hann liggur undir feld. Við leggjum mikla áherslu á að halda honum. Hann átti frábært tímabil," sagði Gunnlaugur Jónsson þjálfari ÍA í samtali við Fótbolta.net í dag.

Ljóst er að framherjinn Arsenij Buinickij og miðjumaðurinn Marko Andelkovic verða ekki áfram hjá ÍA á næsta tímabili.

Að sögn Gunnlaugs er að öðru leyti búist við litlum breytingum á Akranesi en verið er að ganga frá nýjum samningum við samningslausa menn, þar á meðal enska vinstri bakvörðinn Darren Lough.