„Það er búið að bjóða mér það en ég ætla að sofa á þessu næstu tvær vikurnar," sagði Kristján við Fótbolta.net en hann segist vera að færast nær því að leggja hanskana á hilluna.

„Ég held að þetta sé orðið ágætt. Líkaminn hlýtur að fara að segja nei."

Kristján kom inn á gegn Inter Baku í Evrópudeildinni í sumar eftir að Róbert Óskarsson fékk að líta rauða spjaldið.

Kristján spilaði síðan síðari leikinn í Aserbaídsjan þar sem Róbert var í leikbanni.