þri 05. desember 2017 19:00
Guðmundur Aðalsteinn Ásgeirsson
Lögreglan: Kúkaði ekki í sætið sitt
Callum Mawson.
Callum Mawson.
Mynd: Mirror
Hinn sautján ára Callum Mawson kúkaði ekki í sæti sitt á Leikvangi Ljóssins, lögreglan hefur staðfest þetta.

Fréttir fóru að berast af því um helgina að stuðningsmaður Sunderland, sem seinna kom í ljós að hefði verið Mawson, hefði notað sæti sitt á vellinum sem klósett, hann hafi girt niður um sig og haft hægðir. Mawson steig í kjölfarið fram og sagðist ekki hafa kúkað, hann hafi verið mjög drukkinn á vellinum.

Atvikið átti sér stað á leik Sunderland og Reading.

Nú hefur talsmaður lögreglunnar í Northumbria staðfest að Mawson hafi ekki kúkað í sæti sínu.

„Lögreglan vill koma því á framfæri að stuðningsmaðurinn sem var handtekinn á laugardag hafði ekki hægðir í sæti sínu," segir í tilkynningu frá lögreglunni. Mawson var handtekinn fyrir að vera drukkinn á íþróttaviðburði.

Sjá einnig:
Segist ekki hafa kúkað í sætið
Athugasemdir
banner
banner