lau 06. febrúar 2016 16:00
Ívan Guðjón Baldursson
Gael Kakuta til Hebei China Fortune (Staðfest)
Terry og Kakuta fagna marki.
Terry og Kakuta fagna marki.
Mynd: Getty Images
Hebei China Fortune er búið að ganga frá kaupum á Gaël Kakuta, fyrrverandi leikmanni Chelsea.

Kakuta var álitinn meðal efnilegustu leikmanna heims á sínum tíma og var mikil dramatík í kringum félagsskipti hans frá Lens til Chelsea fyrir níu árum síðan.

Kakuta spilaði sex úrvalsdeildarleiki fyrir Chelsea og var lánaður út sex sinnum áður en Sevilla festi kaup á honum síðasta sumar.

Kakuta komst ekki í byrjunarliðið hjá Sevilla og er nú genginn til liðs við Hebei China Fortune, sem endaði í öðru sæti kínversku B-deildarinnar á síðasta tímabili og leikur því í ofurdeildinni þar í landi á komandi tímabili.

Hebei hefur verið mjög virkt á leikmannamarkaðinum og eru Gervinho og Stephane Mbia meðal nýrra liðsfélaga Kakuta.
Athugasemdir
banner
banner
banner
banner