Fyrsta leik dagsins í La Liga á Spáni er lokið, en þar tók Atletico Madrid á móti Eibar.

Fyrri hálfleikurinn var markalaus, en strax í upphafi þess seinni skoraði Keko og kom Eibar yfir, 1-0 fyrir gestina frá Eibar.

Atletico náði þó að jafna metin tíu mínútum síðar þegar miðvörðurinn efnilegi, Jose Gimenez, skoraði.

Saul kom svo Atletico yfir og Fernando Torres tryggði sigurinn endanlega í uppbótartíma með sínu öðru marki á tímabilinu.

Eftir leikinn er Atletico með 51 stig, jafnmörg og Barcelona, en Barcelona á þó tvo leiki til góða. Eibar er með 33 stig í áttunda sæti.