Heimild: BBC
Hér er allt helsta slúðrið úr enska boltanum á þessum fína föstudegi.
Southampton ætlar að gera Morgan Schneiderlin að launahæsta leikmanni sínum og koma þannig í veg fyrir að hann fari til Arsenal. (Daily Mirror)
Juventus er tilbúið að hlusta á tilboð í Alvaro Morata sem er á óskalista Liverpool og Arsenal. (Metro)
Umboðsmaður Paul Pogba segir að franski miðjumaðurinn verði jafnvel áfram hjá Juventus þrátt fyrir áhuga frá PSG, Manchester City og Chelsea. (Daily Mail)
Manchester United hefur lagt fram 5,7 milljóna punda tilboð í brasilíska sóknarmanninn Kenedy. Kenedy er 19 ára gamall en hann hefur verið kallaður hinn nýi Neymar. (Metro)
Chelsea hefur náð samkomulagi við rúmenska félagið Viitorul Constanta um að kaupa hægri bakvörðinn Cristian Manea. Hinn 17 ára gamli Manea mun kosta 2,3 milljónir punda. (Daily Mail)
Nemanja Matic hefur fengið nýjan samning hjá Chelsea til ársins 2020 en hann mun fá 93 þúsund pund í vikulaun. (Daily Express)
Roy Hodgson vill vera áfram landsliðsþjálfari Englendinga á HM 2018. (Daily Mirror)
Louis van Gaal, stjóri Manchester United, er pirraður á sögusögnum um að samband hans og aðstoðarstjórans Ryan Giggs sé ekki gott. (Independent)
Athugasemdir