Hinn 19 ára gamli Hlynur hefur verið mjög óheppinn með meiðsli undanfarin ár en er nú óðum að ná fullum styrk.

Hlynur Örn hefur leikið 5 landsleiki með U-17 ára landsliði Íslands og 3 með U-19 ára. Sumarið 2013 spilaði hann flesta leiki Augnabliks í 3. deildinni.

,Ég bind vonir við Hlyn. Það er flottur strákur og ég reikna með að hann spili talsvert í sumar," sagði Sigurður Halldórsson þjálfari Tindastóls í samtali við Fótbolta.net á dögunum.

Tindastóli er spáð 8. sæti í 2. deildinni í sumar en liðið leikur við Leikni Fáskrúðsfjörð í fyrstu umferðinni á laugardag.