Bournemouth hefur ákveðið að endurnýja ekki samninga við sjö leikmenn sína.
Bournemouth er á leið í ensku úrvalsdeildina í fyrsta skipti en Eddie Howe stjóri liðsins hefur ákveðið að láta sjö leikmenn fara.
Um er að ræða Ian Harte, Josh McQuoid, Benji Buchel, Joe Partington, Mohamed Coulibaly, Miles Addison og Darryl Flahavan.
Harte er þekktastur af þessum leikmönnum en þessi 37 ára gamli Íri hefur skorað mikið af mörkum úr aukaspyrnum á ferli sínu.
Harte lék með Leeds í áraraðir en hann hefur einnig verið á mála hjá Levante á Spáni sem og Sunderland, Blackpool, Carlisle og Reading á Englandi.
Athugasemdir