Guðmundur Steinn Hafsteinsson á farsælan feril að baki í íslenska boltanum.
Það voru nokkrir Íslendingar sem komu við sögu í norska bikarnum í dag en aðeins einum þeirra tókst að skora.
Það var Guðmundur Steinn Hafsteinsson, sem lék með Fram í Pepsi-deildinni í fyrra og skoraði þar fimm mörk í tólf leikjum.
Það var Guðmundur Steinn Hafsteinsson, sem lék með Fram í Pepsi-deildinni í fyrra og skoraði þar fimm mörk í tólf leikjum.
Notodden er í norsku C-deildinni og lagði B-deildarliðið Jerv af velli í bikarnum.
Jerv komst yfir snemma leiks en heimamenn í Notodden jöfnuðu hálftíma síðar.
Guðmundur Steinn kom heimamönnum svo yfir rétt fyrir leikhlé og innsiglaði sigurinn á 61. mínútu.
Íslendingaliðin Rosenborg, Lilleström og Aalesund komust öll áfram í 32-liða úrslitin á meðan Start, Vålerenga og Sandnes Ulf eru úr leik.
Athugasemdir
