Cagliari er búið að tryggja sæti sitt í Serie A á næsta tímabili eftir öruggan sigur á Bari sem er í umspilssæti.

Cagliari fer því beint upp í efstu deild ásamt Crotone, en Cagliari á tvo leiki eftir af tímabilinu og Crotone þrjá.

Cagliari féll úr A-deildinni á síðasta tímabili ásamt Cesena og Parma, en Parma var dæmt niður í D-deildina og Cesena er í umspilsbaráttu.

Trapani, Pescara og Bari eru svo gott sem örugg með sín umspilssæti. Spezia, Cesena, Entella og Novara berjast um hin þrjú umspilssætin.

Hörður Björgvin Magnússon verður væntanlega í eldlínunni með Cesena þegar liðið heimsækir Ternana á morgun.