„Þetta var alveg massívur sigur og flottur leikur, sérstaklega í fyrri hálfeik. Mættum rosalega vel stemdir í hann og vorum búnir að gera 2 mörk snemma og það var auðvitað það sem færði okkur þennan sigur.“ Sagði Bjarni Jóhannsson þjálfari KA eftir 2-1 sigur á Fjölni í 8-liða úrslitum Borgunarbikarsins í kvöld.
Lestu um leikinn: KA 2 - 1 Fjölnir
KA-menn voru mjög grimmir í byrjun leiks og skoruðu bæði mörk sín á fyrstu 10 mínútum leiksins. Aðspurður um hvort leikplanið hafi snúist um að koma Fjölnismönnum á óvart sagði hann: „Það var það og reyna aðeins að lokka þá fram á völlinn til að geta gefið pláss fyrir aftan þá. Við vorum vel gíraðir í leiknum og ferskir í byrjun og ferskir fannst mér í fyrri hálfleik almennt.“
Bjarni lét einnig áhugaverð ummæli falla um leikjaniðurröðun í 1.deildinni
„Við ætlum að reyna að fara alla leið. Eins og menn sjá er miklu erfiðara fyrir 1.deildar liðin að komast lengra í þessum bikar. Vegna þess að í mótaniðurröðunninni er ekkert gert ráð fyrir því að þessi lið komist í 8-liða úrslit.“
„Það verður að aðeins að velta því fyrir sér að neðrideidlar liðin geti komist aðeins lengra í þessum bikar.“
Nánar er rætt við Bjarna í spilaranum fyrir ofan.
Athugasemdir