Arnar Grétarsson, þjálfari Breiðabliks, byrjar næsta tímabil í tveggja leikja banni en aganefnd KSÍ opinberaði þann úrskurð í dag.
Arnar fékk brottvísun í leiknum gegn Fjölni í lokaumferð Pepsi-deildarinnar en hann var ekki sáttur við dómara leiksins og var í kjölfarið vísað upp í stúku. Sjálfkrafa á hann að fara í eins leiks bann en hegðun Arnars var með þeim hætti að aganefndin bætti við leik.
Brottvísun Arnars kom í kjölfar þess að sóknarmaðurinn Jonathan Glenn fékk rautt spjald fyrir að slá til mótherja. Glenn fékk einnig aukaleik í bann og byrjar því næsta tímabil í tveggja leikja banni þó óvíst er hvar hann muni spila en samningur hans við Breiðablik hefur runnið út.
Ekki er gefin skýring á þessum aukaleikjum á heimasíðu KSÍ.
Stjörnumaðurinn Pablo Punyed mun byrja næsta tímabil í eins leiks banni eftir rauða spjaldið sem hann fékk gegn Val.
Athugasemdir