Hólmar Örn á æfingu Íslands í dag.
Hólmar Örn Eyjólfsson er kominn í landsliðshópinn á ný en hann hefur gert góða hluti í vörninni hjá Rosenborg. Liðið er komið langt með að tryggja sér norska meistaratitilinn. Fótbolti.net ræddi við Hólmar á landsliðsæfingu í morgun.
Hólmar var þá nýkominn úr viðtali við þýska sjónvarpið.
„Þeir vildu fá bita á þýsku. Þeir eru mjög áhugasamir um uppganginn hérna og vildu fá að vita hvert leyndarmálið er," segir Hólmar.
Hólmar segir að það hafi verið ljúft að fá símtalið um að hann hefði verið kallaður inn í landsliðið á ný.
„Maður hefur stefnt að þessu lengi. Manni langar hrikalega að vera partur af þessu og nú er bara undir mér komið að halda mér inni í þessu fram að EM."
Viðtalið má sjá í heild sinni í sjónvarpinu hér að ofan en þar talar hann meðal annars um tímabilið hjá Rosenborg og segist vonast til að fá mínútur í landsleikjunum sem framundan eru.
Athugasemdir
