Jóhannes Karl Guðjónsson verður líklega áfram í herbúðum Fylkis næsta sumar.
Hinn 35 ára gamli Jóhannes Karl kom til Fylkis frá Fram fyrir ári síðan og skrifaði þá undir árs samning.
Jóhannes Karl reiknar með að ræða við Fylkismenn um framlengingu á þeim samningi á næstu dögum.
Hinn 35 ára gamli Jóhannes Karl kom til Fylkis frá Fram fyrir ári síðan og skrifaði þá undir árs samning.
Jóhannes Karl reiknar með að ræða við Fylkismenn um framlengingu á þeim samningi á næstu dögum.
„Það er verið að skoða málin. Mér sýnist vera miklar líkur á að ég verði áfram. Það er vilji hjá báðum aðilum að fara í samningaviðræður," sagði Jóhannes Karl við Fótbolta.net í dag.
Jóhannes Karl skoraði tvö mörk í sextán leikjum í Pepsi-deildinni í sumar.
„Ég er í fínu standi. Ég er laus við meiðsli fyrir utan eitthvað smávægilegt og er mjög spenntur fyrir því að taka annað tímabil með Fylki ef það verður niðurstaðan."
Jóhannes Karl lék sem atvinnumaður erlendis um árabil en þar spilaði hann meðal annars með Real Betis, Aston Villa, Wolves, Leicester, Burnley og Huddersfield.
Athugasemdir