Neymar mun leika með Barcelona út ferilinn en þetta segir Roberto Fernandez tæknilegur ráðgjafi félagsins.

Hinn 23 ára gamli Neymar er samningsbundinn til ársins 2018 en félagið er í viðræðum við hann um nýjan samning.

Sá samningur mun gera Neymar að næstlaunahæsta leikmanni Barcelona á eftir Messi.

„Við erum að vinna í framlengingu á samningi Neymar og ég held að það verði ekki vandamál," sagði Fernandez.