Varnarmaðurinn Aleksander Melgalvis Andreassen ákvað að afklæðast á sviðinu og notaði svo sjálfan bikarinn til að hylja kynfæri sín.

Uppátæki leikmannsins hefur hlotið gagnrýni frá stjórnarmönnum norska knattspyrnusambandsins sem telja hann hafa sýnt bikarnum óvirðingu.

„Það er stór stund að verða bikarmeistari og hann átti auðvitað að fagna. En það er hægt að gera það með þeim hætti að það sýni bikarnum meiri virðingu. Þetta kom ekki vel út og ég tel að Melgalvis og Lilleström séu sammála því," segir Yngve Haavik, yfirmaður samskiptamála hjá norska sambandinu.

Andreasson sjálfur hefur gert lítið úr atvikinu og spurði hvort hann ætti að biðja Noregskonung afsökunar.