"Allir leikir eru leikir sem þarf að vinna hjá þessu félagi. Sama hver þjálfarinn er, þá eru það væntingarnar," sagði Neville.

"Við verðum að sýna þrá til að vinna leiki. Miðvikudagskvöldið var slæmt kvöld fyrir okkur."

Neville, er eins og áður segir undir mikilli pressu frá stuðningsmönnum og þá hefur Santiago Canizares, fyrrverandi fyrirliði liðsins, einnig látið Neville heyra það.

"Ég er skrýtin manneskja. Ég sá reiði stuðningsmannanna og það eina sem ég gat hugsað var: Vá, ég hef aldrei séð jafn ástríðufulla stuðningsmenn og þessa," sagði Neville.

"Ég veit að þeir voru ekki að sýna ástríðu á góðan hátt, en ég er eina manneskjan sem getur tekið það jákvæða út úr eins slæmri stöðu og þessari."