Hörður Björgvin Magnússon lék allan leikinn þegar Cesena gerði markalaust jafntefli við erkifjendur sína í Modena í ítölsku Seríu B.

Íslenski landsliðsmaðurinn var sterklega orðaður við brottför frá Cesena í janúarglugganum síðastliðnum og voru mörg félög í Seríu A nefnd til sögunnar. Á endanum varð hann þó um kyrrt hjá Cesena, en hann er í láni hja félaginu frá Juventus.

Hörður Björgvin hefur eftir því sem liðið hefur á tímabilið náð að festa sig í sessi í liði Cesena, en hann berst nú fyrir sæti í landsliðshópi Íslands á EM 2016.