sun 07. febrúar 2016 20:02
Alexander Freyr Tamimi
Jesse Lingard: Eins og að tapa
Lingard fagnar marki sínu í dag.
Lingard fagnar marki sínu í dag.
Mynd: Getty Images
Jesse Lingard var hársbreidd frá því að tryggja Manchester United sigur gegn Chelsea í ensku úrvalsdeildinni í dag. Diego Costa jafnaði hins vegar metin í uppbótartíma og lokatölur 1-1.

Lingard viðurkennir að jafnteflið hafi verið eins og tap fyrir leikmenn United úr því sem komið var.

„Við spiluðum meiri hluta leiksins vel en að fá á sig mark svona seint er eins og að tapa," sagði Lingard við Sky Sports, en hann kom United í 1-0 með laglegu marki eftir rúman klukkustundar leik.

„Það var bara eðlisávísun að snúa og sparka í markið, en við vildum stigin þrjú. Mér finnst við samt vera að spila miklu betur núna."

Athugasemdir
banner
banner
banner