Hinn 37 ára gamli Mutu er byrjaður á þjálfaranámskeiðum og hefur greint frá því að markmið hans sé að taka við Fiorentina í framtíðinni, en hann lék þar á árunum 2006-2011.

"Þetta var gott, ég var dálítið stressaður til að byrja með, en svo fór allt á réttan veg," sagði Mutu eftir sitt fyrsta námskeið.

"Ég vil þjálfa á háu stigi, en ég væri ekkert á móti því að vinna með börnum. Mér finnst það nauðsynlegt fyrir þjálfara."

"Ég vil ekki bara verða góður þjálfari, heldur frábær, en draumaliðin til að stýra er auðvitað Fiorentina og líka rúmenska landsliðið."