Eftir misheppnaða dvöl hjá Manchester United virðist markvörðurinn Victor Valdes vera orðinn eilítið ryðgaður.

Þessi fyrrum markvörður Barcelona, sem hefur unnið ótal titla, var lánaður til Standard Liege í Belgíu á dögunum og var fljótur að komast í byrjunarliðið þar.

Valdes gerði dýr mistök gegn Truidense eftir hornspyrnu í dag. Hann brást fáránlega við bolta sem kom inn í teiginn, fleytti honum á leikmann andstæðinganna og boltinn endaði í netinu.

Markið var að vísu hið spaugilegsta en boltanum var dúndrað í höfuðið á Nick Proschwitz af varnarmanni og endaði síðan í netinu.

Hér að neðan má sjá mistök Valdes og markið.