Hinn 25 ára gamli Bergsveinn var fyrirliði Fjölnis áður en hann fór til FH fyrir sumarið 2016. Bergsveinn varð Íslandsmeistari með FH 2016 og í fyrra skoraði hann eitt mark í nítján leikjum í Pepsi-deildinni.

Bergsveinn hefur ekki verið ofarlega í röðinni eftir að Ólafur Kristjánsson tók við þjálfun FH í haust en hann var varamaður í öllum fjórum leikjum Fimleikafélagsins í Fótbolta.net mótinu.

Guðmundur Karl er 26 ára gamall en hann er fjölhæfur leikmaður sem hefur spilað á kanti, bakverði og á miðjunni á ferlinum. Guðmundur er úr Þorlákshöfn en hann kláraði yngri flokkana í Fjölni og hóf meistaraflokksferilinn þar.

Guðmundur Karl tók við fyrirliðabandinu hjá Fjölni árið 2016 eftir að Bergsveinn fór í FH.

Fyrir síðasta tímabil fór Guðmundur í FH þar sem hann spilaði fimmtán leiki í Pepsi-deildinni síðastliðið sumar. Guðmundur Karl hefur líkt og Bergsveinn verið á bekknum í síðustu leikjum FH í Fótbolta.net mótinu.

Ólafur Páll Snorrason, sem tók við þjálfun Fjölnis síðastliðið haust, þekkir báða leikmennina vel en þeir léku með honum með Fjölni á sínum tíma og á síðasta tímabili var Ólafur aðstoðarþjálfari FH.

Komnir:
Almarr Ormarsson frá KA
Arnór Breki Ásþórsson frá Aftureldingu
Bergsveinn Ólafsson frá FH
Guðmundur Karl Guðmundsson frá FH
Sigurpáll Melberg Pálsson frá Fram

Farnir:
Fredrik Michaelsen til Tromsö (Var á láni)
Ivica Dzolan
Linus Olsson
Marcus Solberg
Mees Siers

Komnir heim! #FélagiðOkkar pic.twitter.com/i3QDcZU7oo

— Fjölnir FC (@Fjolnir_FC) February 7, 2018