„Það er góð tilfinning og það verður gaman að byrja þetta loksins," segir Andrés Már Jóhannesson sem er lykilmaður hjá Árbæjarliðinu.

„Það er spes að byrja þetta svona á eftir öðrum liðum en það er allt í góðu. Það var sérstakt að fylgjast með öllum öðrum liðum fara af stað meðan við sátum heima en maður er alveg kominn yfir það og er gíraður í þetta. Við mætum af fullum krafti og gefum ekkert eftir."

„Við höfum skoðað Blikaliðið vel og vitum hversu megnugir þeir eru. Við erum líka öflugir, höfum staðið okkur vel í vetur og þurfum bara að sýna okkar rétta andlit. Við höfum öflugan hóp og mikla breidd og ég geri miklar væntingar um að við stöndum okkur vel í sumar, betur en síðustu ár."

Leikurinn átti upphaflega að vera um síðustu helgi en var færður svo viðkvæmur Fylisvellurinn fengi nokkra daga í viðbót til að verða betri.

„Völlurinn er allur að koma til en á eitthvað í land enn,"segir Andrés.

Textalýsingin hefst hér á Fótbolta.net klukkan 18 með uppitunarmolum.