Heimild: Stöð 2 Sport
Í Stúkunni á Stöð 2 Sport í gær var rætt um sóknarmanninn Viðar Örn Kjartansson sem var skilinn eftir utan hóps þegar KA gerði 1-1 jafntefli við KR á sunnudaginn.
Guðmundur Benediktsson segir að Viðar hafi skrópað á æfingu en áður hafa verið sögur um að Viðar sé ekki að mæta vel á æfingar liðsins.
„Það er mín tilfinning, að þessu sé lokið milli KA og Viðars," segir Guðmundur í þættinum.
Hallgrímur Jónasson þjálfari KA var spurður út í fjarveru Viðars eftir leikinn gegn KR.
„Hann var ekki í hóp, eins og fleiri. Viðar kemur ekki í besta standi í heimi, við vitum það og hann er búinn að spila aðeins. Hann er bara að vinna í sínum málum og við vitum öll að þegar hann kemst í gott stand, að þá er hann frábær leikmaður. Ef hann æfir vel og stendur sig vel í vikunni að þá er aldrei að vita nema að hann verði í hóp næst,'' sagði Hallgrímur í viðtali eftir leik.
Guðmundur Benediktsson segir að Viðar hafi skrópað á æfingu en áður hafa verið sögur um að Viðar sé ekki að mæta vel á æfingar liðsins.
„Það er mín tilfinning, að þessu sé lokið milli KA og Viðars," segir Guðmundur í þættinum.
Hallgrímur Jónasson þjálfari KA var spurður út í fjarveru Viðars eftir leikinn gegn KR.
„Hann var ekki í hóp, eins og fleiri. Viðar kemur ekki í besta standi í heimi, við vitum það og hann er búinn að spila aðeins. Hann er bara að vinna í sínum málum og við vitum öll að þegar hann kemst í gott stand, að þá er hann frábær leikmaður. Ef hann æfir vel og stendur sig vel í vikunni að þá er aldrei að vita nema að hann verði í hóp næst,'' sagði Hallgrímur í viðtali eftir leik.
Baldur Sigurðsson, sérfræðingur Stúkunnar, segir að þetta líti ekki vel út varðandi Viðar enda hafi verið gerðar miklar væntingar til hans.
„Hann kemur heim, skorar ekki á vellinum og maður heyrir sögur utan vallar og það er margt í gangi. Ég held að það sé erfitt að glíma við þetta," segir Baldur.
Viðar, sem er 34 ára og á langan atvinnumannaferil að baki auk þess að hafa spilað 31 landsleik fyrir Ísland, kom af bekknum í fyrstu fjórum deildarleikjum KA og spilaði einn byrjunarliðsleik í bikarnum. Hann hefur ekki náð að skora.
Besta-deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 6 | 5 | 0 | 1 | 14 - 6 | +8 | 15 |
2. Breiðablik | 6 | 4 | 0 | 2 | 15 - 9 | +6 | 12 |
3. FH | 6 | 4 | 0 | 2 | 10 - 9 | +1 | 12 |
4. Valur | 6 | 3 | 2 | 1 | 9 - 5 | +4 | 11 |
5. Fram | 6 | 3 | 2 | 1 | 7 - 4 | +3 | 11 |
6. Stjarnan | 6 | 3 | 1 | 2 | 8 - 7 | +1 | 10 |
7. ÍA | 6 | 3 | 0 | 3 | 14 - 9 | +5 | 9 |
8. KR | 6 | 2 | 1 | 3 | 11 - 11 | 0 | 7 |
9. HK | 6 | 2 | 1 | 3 | 6 - 10 | -4 | 7 |
10. Vestri | 6 | 2 | 0 | 4 | 4 - 12 | -8 | 6 |
11. KA | 6 | 0 | 2 | 4 | 7 - 13 | -6 | 2 |
12. Fylkir | 6 | 0 | 1 | 5 | 5 - 15 | -10 | 1 |
Athugasemdir