Liam Rosenior hefur verið rekinn úr stjórastarfinu hjá Hull City eftir að liðinu mistókst að komast í umspilið um sæti í ensku úrvalsdeildinni.
Þetta herma heimildir Sky Sports.
Þetta herma heimildir Sky Sports.
Hinn 39 ára gamli Rosenior var ráðinn stjóri Hull í nóvember 2022. Hann skrifaði undir þriggja ára samning í desember síðastliðnum en hefur núna verið látinn taka pokann sinn.
Hull tapaði 1-0 á Plymouth í lokaumferð Championship-deildarinnar og það varð til þess að Hull missti af sæti í umspilinu.
Hull endaði í sjöunda sæti Championship-deildarinnar, þremur stigum frá umspilinu.
Rosenior kom til greina sem stjóri ársins í Championship, en Kieran McKenna, stjóri Ipswich, vann þau verðlaun. Ipswich komst upp í ensku úrvalsdeildina.
Uppfært: Hull hefur staðfest að Rosenior hafi verið sagt upp störfum.
Hull City can confirm that we have parted ways with Head Coach, Liam Rosenior, with immediate effect.#hcafc
— Hull City (@HullCity) May 7, 2024
Athugasemdir