þri 07. júlí 2015 06:00
Daníel Freyr Jónsson
Bentaleb búinn að framlengja hjá Tottenham
Nabil Bentaleb.
Nabil Bentaleb.
Mynd: Getty Images
Miðjumaðurinn Nabil Bentaleb hefur skrifað undir nýjan samning hjá Tottenham og er hann núna samningsbundinn félaginu til ársins 2020.

Bentaleb festi sæti sitt í byrjunarliði Tottenham í vetur, en þessi 20 ára gamli landsliðsmaður Alsír kom til félagsins fyrir þremur árum frá Dunkerque í Frakklandi.

Alls spilaði Bentaleb 26 leiki í ensku úrvalsdeildinni og í heildina skoraði hann eitt mark í 35 leikjum í öllum keppnum.

Ljóst er að Bentaleb er í miklum metum á White Hart Lane og er honum greinilega ætlað stórt hlutverk á næstu árum þar sem félagið hefur þegar losað sig við Etienne Capoue.
Athugasemdir
banner
banner
banner