Basel, stærsta félag Sviss, hefur áhuga á að fá Birki Bjarnason landsliðsmann Íslands í sínar raðir samkvæmt ítölskum fjölmiðlum.
Á calciomercato.com er fullyrt að Birkir sé á leið til fundar með forráðamönnum svissnesku meistarana.
Á calciomercato.com er fullyrt að Birkir sé á leið til fundar með forráðamönnum svissnesku meistarana.
Basel er þekkt stærð í Evrópuboltanum og skákaði Liverpool í riðlakeppni Meistaradeildarinnar síðasta tímabil. Basel féll svo úr leik gegn Porto í útsláttarkeppninni.
Framtíð Birkis er í óvissu en allt útlit er fyrir að hann yfirgefi ítalska B-deildarliðið Pescara sem mistókst að komast upp á liðnu tímabili. Birkir skoraði 12 mörk á tímabilinu.
Hann hefur verið sterklega orðaður við ítölsku A-deildarliðin Torino og Palermo auk þess sem Leeds United í ensku Championship-deildinni hefur mikinn áhuga.
Athugasemdir