Frakklandsmeistarar PSG hafa náð samkomulagi við Frankfurt um kaup á markverðinum Kevin Trapp.
Trapp er 24 ára gamall og mun hann kosta PSG 9 milljónir evra.
Þýska félagið staðfesti í gær að samkomulag hefði nást og er búist við að Trapp ferðist til Parísar í dag þar sem gengið verður frá félagaskiptunum.
Trapp steig sín fyrstu skref hjá Kaiserslautern leiktíðina 2008-09. Hann gekk síðan í raðir Frankfurt árið 2012 og hefur verið aðalmarkvörður liðsins undanfarin tímabil.
Salvatore Sirigu hefur verið aðalmarkvörður PSG undanfarin ár en nú er ljóst að hann fær aukna samkeppni.
Athugasemdir