Danska félagið Bröndby hefur fengið íslenska landsliðsmanninn Hjört Hermannsson í sínar raðir frá PSV Eindhoven. Ólafur Garðarsson, umboðsmaður Hjartar staðfesti þetta í samtali við Fótbolta.net í dag.
Hjörtur er búinn að skrifa undir þriggja ára samning við Bröndby en hann var kynntur sem nýr leikmaður félagsins fyrir leikinn við Val í Evrópudeildinni í Danmörku í dag.
Hinn 21 árs gamli Hjörtur var í landsliðshópi Íslands á EM en hann fær nú tíu daga frí áður en hann hefur æfingar með Bröndby.
Hjörtur hefur undanfarna mánuði leikið í sænsku úrvalsdeildinni á láni hjá IFK Gautaborg en hann fór þangað í mars.
Á Íslandi spilaði Hjörtur með yngri flokkum og meistaraflokki Fylkis áður en hann fór til PSV árið 2012.
Athugasemdir
