Andrés Már Jóhannesson verður áfram í Árbænum en hann hefur undirritað nýjan þriggja ára samning við Fylki
Andrés kom við sögu í öllum leikjum Fylkis í Pepsi deildinni á nýafstöðnu tímabili og skoraði í þeim tvö mörk.
Andrés hefur ekki leikið fyrir annað félag en Fylki á Íslandi en hann var um tíma á mála hjá norska liðinu Haugesund.
Alls hefur Andrés spilað 154 leiki fyrir Fylki í deild og bikar og skorað 15 mörk en þessi 27 ára gamli sóknarmaður á einnig 14 landsleiki að baki fyrir yngri landslið Íslands.
Fylkir endaði tímabilið í 8.sæti Pepsi deildarinnar en liðið vann Íslandsmeistara FH í lokaumferðinni þar sem Andrés Már gerði eitt af mörkum liðsins.
Athugasemdir