„Ég held áfram að berjast fyrir sæti mínu en þetta er öðruvísi staða en ég hef verið í. Ég hef alltaf spilað mikið og það er spurning hvernig maður tæklar þetta," sagði Aron við Fótbolta.net í dag.

„Ég lít á þetta sem tíma fyrir mig til að bæta til að bæta það sem ég þarf að bæta. Ég get æft meira og ég æfi alla daga 100%. Það er ekki eins og ég sé ekki í formi, það er aðallega leikformið."

Aron útilokar ekki að skoða í kringum sig þegar félagaskiptaglugginn opnar í janúar en fyrst og fremst hugsar hann um að ná sæti í liði Cardiff á nýjan leik.

„Auðvitað þarf amður að skoða það þegar að því kemur. Ég er að hugsa um að berjast fyrir sæti mínu í liðinu. Það er ömurlegt að missa sæti sitt í liðinu á undirbúningstímabilinu þegar maður meiðist. Hver hefur ekki lent í þessu áður? Það hafa allir gengið í gegnum þetta og það er bara spurning hvernig maður kemur út úr þessu."

„Þetta er bara nýbyrjað og ég er ekki að fara að leggjast niður og grenja. Ég þarf að berjast fyrir sæti mínu í liðinu. Það er bara spurning hvenær þetta dettur. Ég verð klár þegar ég fæ tækifærið og þá gef ég ekki sæti mitt aftur," sagði Aron ákveðinn.

Aron verður í leikbanni þegar Ísland spilar við Lettland á laugardaginn. Verður hann með Tólfunni í stúkunni?

„Það er aldrei að vita. Ég veit það ekki. Það er erfiðara að vera upp í stúku og geta ekki haft áhrif á leikinn. Ég held að maður verði uppi í stúku að sparka í alla bolta og skalla þá sjálfur," sagði Aron sem er brattur fyrir komandi leiki gegn Lettlandi og Tyrklandi.

„Við viljum vinna alla leiki. Við viljum vinna riðilinn og fara hærra í styrkleikaflokk. Það er mikið undir þó að við séum konmir áfram," sagði Aron.

Hér að ofan má sjá viðtalið í heild sinni.