Gianluigi Buffon er í fyrsta skipti síðan í desember 2008 ekki í byrjunarliði Juventus í Meistaradeild Evrópu.
Juventus er í þessum skrifuðu orðum að spila við Dinamo Zagreb en Juventus er nú þegar komið áfram í keppninni og hvíla þeir því Buffon.
10. desember 2008 var Buffon á varamannabekknum gegn Bate í keppninni en hann er búinn að spila alla leiki ítalska liðsins síðan og alls 50 leiki í röð.
Buffon er fjórði leikmaðurinn í sögunni til að spila 600 leiki í efstu deild á Ítalíu og á hann yfir 100 leiki í Meistaradeildinni. Ásamt því er hann leikjahæsti leikmaðurinn í sögu ítalska landsliðsins með 167 landsleiki.
Athugasemdir