Glódís Perla Viggósdóttir.
Landsliðskonan Glódís Perla Viggósdóttir skrifaði í gærkvöldi undir nýjan samning við sænska félagið Eskilstuna United en þetta staðfesti hún í samtali við Fótbolta.net í dag.
Glódís kom til Eskilstuna frá Stjörnunni árið 2015 og er því á leið í sitt þriðja tímabil með félaginu.
Glódís kom til Eskilstuna frá Stjörnunni árið 2015 og er því á leið í sitt þriðja tímabil með félaginu.
„Mér líður mjög vel þarna og tel gott fyrir mg að vera áfram þarna, allavega fram yfir EM," sagði Glódís við Fótbolta.net í dag.
Hin 21 árs gamla Glódís var einnig með tilboð í höndunum frá Englandi en hún ákvað að vera áfram í Svíþjóð.
„Ég var með tvo aðra valmöguleika. Það var áhugi í Englandi og Svíþjóð en mig langaði að taka eitt tímabil í viðbót með Eskilstuna og gera betur en á þessu tímabili. Mér fannst ég ekki vera upp á mitt besta á síðasta tímabili svo mig langar að vera áfram og sýna betur hvað ég get."
Eskilstuna endaði í 3. sæti í sænsku úrvalsdeildinni í ár en í fyrra endaði liðið einungis stigi á eftir meisturunum í Rosengård eftir mikla baráttu um titilinn.
Athugasemdir
