Stig nægir enska félaginu til að komast í 32 liða úrslit keppninnar en líklegt er að hitastigið á Chornomorets vellinum í Zorya verði í kringum frostmark. Mourinho er ekki sáttur við að leikið sé í austur Evrópu í desember vegna kulda.

„Völlurinn er harður og það er klaki á honum," sagði Mourinho.

„Allir vita hvernig aðstæður er í Úkraínu á þessum tíma árs og þetta verður erfitt. UEFA ætti ekki að láta leikinn fara fram í desember. Zorya eru að reyna að hita völlinn upp en það er ekki hægt að gera kraftaverk. Vonum það besta," bætti Portúgalinn við.

Manchester United hefur tapað báðum útileikjum sínum í keppninni til þessa. Fyrst gegn Feyenoord og síðan Fenerbache en að sama skapi hafa þeir unnið alla þrjá heimaleiki sína.

United fellur úr leik með tapi ef Feyenoord vinnur Fenerbache en eins og áður segir nægir liðinu jafntefli til að komast áfram.