banner
   fim 07. desember 2017 07:30
Guðmundur Aðalsteinn Ásgeirsson
Wenger ætlar ekki að leyfa Walcott að verða liðsfélagi Gylfa
Mynd: Getty Images
Theo Walcott er ekki á förum frá Arsenal ef Arsene Wenger fær einhverju ráðið um það.

Walcott hefur fengið lítið hlutverk með Arsenal á tímabilinu; hann heufr aðeins spilað þrjá leiki í ensku úrvalsdeildinni.

Hann hefur því verið orðaður burt frá Arsenal. Ef ensku slúðurblöðin eru skoðuð er hann á förum frá Lundúnafélaginu í janúar, hann hefur verið orðaður við Gylfa Sigurðsson og félaga í Everton og sitt gamla félag, Southampton. Wenger vill hins vegar ekki missa hinn 28 ára gamla Walcott frá Arsenal.

„Hann á framtíð hér. Hann leggur mikið á sig. Hann var veikur fyrir nokkrum vikum og eftir það kaus ég ekki að breyta hópnum. Hann hefur litið vel út á æfingum," sagði Wenger.
Athugasemdir
banner
banner
banner