Derby hefur ekki unnið leik í Championship deildinni síðustu sjö umferðir en félagið er þrátt fyrir það í 5. sæti deildarinnar, fimm stigum frá toppliði Middlesbrough.

„Við erum þakklátir fyrir starf Paul hjá félaginu en nú teljum við að það sé kominn tími til að breyta til," sagði Mel Morris, eigandi Derby.

„Ég hef fulla trú á því að við erum með eitt af allra bestu liðum deildarinnar. Leikmenn okkar eru hæfileikaríkir atvinnumenn sem myndu gera góða hluti í úrvalsdeildinni.

„Ég vil þakka Paul fyrir að leiða liðið í gegnum fyrstu 30 leiki tímabilsins og það er frábært að vera meðal sex efstu liða deildarinnar. VIð óskum honum alls hins besta í framtíðinni."

Darren Wassall, yfirmaður unglingastarfsins hjá Derby, stýrir félaginu út tímabilið.